Duterte: Mga may COVID19 na di nag-iingat makahawa sa iba maaaring kasuhan ng murder
MAYNILA—Sumasang-ayon si Pangulong Rodrigo Duterte sa naging mungkahi ni Chief Presidential Legal Counsel Sec. Salvador Panelo na maaaring panagutin sa kasong murder ang mga may sakit ng COVID-19 na hindi nag-iingat para na hindi makahawa ng iba.
Sa pulong ng Inter-Agency Task Force Lunes ng gabi, ipinaliwanag ni Panelo na may mga mabibigat na parusa na maaaring ipataw sa mga patuloy na lumalabag sa health protocols na itinakda ng gobyerno. “Kasi iyong unang sitwasyon hindi niya alam na may sakit siya, baka nahawa lang siya, kaya kung iyon po ay namatay pupwede iyon pumasok sa homicide. Pero kung maselan ito na sugat o injury, maaaring reckless imprudence resulting to physical injury or depende kung serious or less serious. Pero kung alam niya, at pumunta sa isang lugar at may sakit siya ng coronavirus, at namatay, ay iyan po ay talagang sadyang pagpatay iyan. Iyan po ay papasok sa murder sapagkat intentional," ani Panelo. Sagot naman ni Duterte: "Iyong sabi mong murder, although medyo malayo siguro sa isip ng tao iyan, but it is possible. If he knows that he is sick with COVID-19, and he goes about nonchalant, papasyal pasyal ka lang diyan. You are maybe it if it is intentional, malayo iyan. Pero it could be murder sabi ni Sal. At iyang reckless imprudence, mas swak doon sa sitwasyon na iyon." Bukod sa homicide at murder, maaari rin aniyang mapanagot ang mga sumusuway sa health protocols sa mga kasong resistance or disobedience to authorities at paglabag sa Republic Act No. 11332 o ang Mandatory Reporting of Notifiable Diseases and Health Events of Public Health Concern Act, ayon kay Panelo. Samantala, inihayag naman ni Department of the Interior and Local Government Sec. Eduardo Año na may mga naitatala pa rin ang Philippine National Police na mga paglabag sa health protocols. Ani Año, umabot sa 50,021 ang hindi nagsusuot ng face mask, habang nasa 613 ang dumalo sa mga mass gathering. Mayroon ring 13,882 na lumabag sa physical distancing.Watch more in iWantTFC Bisitahin ang Patrol.PH para sa iba pang mga balita.
Philippines Latest News, Philippines Headlines
Similar News:You can also read news stories similar to this one that we have collected from other news sources.
Mga newly hired na nurse sa ibang bansa, 'di muna papayagang umalis ng PinasHindi na muna papayagan ng gobyernong umalis ng bansa ang mga newly hired nurse, nursing aide at nurse assistant, ayon kay Labor Secretary Silvestre Bello III.
Read more »
Bus company pagpapaliwanagin sa umano'y di pagpapasahod sa mga konduktorPagpapaliwanagin ng Land Transportation Franchising and Regulatory Board ang isang bus company kaugnay sa reklamo ng mga konduktor na hindi umano sila pinapasahod ng kompanya.
Read more »
Unang bugso ng pagbabakuna sa mga manggagawa umarangkada naUmarangkada na nitong Lunes ang pagbabakuna sa mga Pilipinong kabilang sa A4 priority list, kung saan pasok ang mga manggagawa o economic frontliners.
Read more »
Pagkain, hygiene kits, hiling ng mga nasunugan sa MaynilaNanawagan ang mga nasunugan sa Barangay Dagupan sa Tondo, Maynila ng dagdag na pagkain at hygiene kits.
Read more »